Quinta Couselo
A nosa historia
Quinta de Couselo é unha herdade situada no Rosal, mercada en 1163 polos monxes do mosteiro de Sta. María de Oia, pertencentes á orde do Císter. En 1835, coa desamortización de Mendizábal, pasou a ser propiedade privada. Dende 1864 pertence á famnilia Vicente e dende 2013 forma parte do proxecto de Grandes Pagos Galegos de Viticultura Tradicional. Esta pequena e acolledora bodega, de longa tradición familiar, sempre se caracterizou polo seu amor polo viño e o seu respecto pola contorna. Na Quinta Couselo queremos transmitir que detrás de cada botella hai todo un mundo de tradicións que fomos adaptando ás novas tecnoloxías, acadando a máis alta calidade na elaboración dos nosos viños, augardentes e licores.
Os nosos viñedos
Quinta Couselo pertence á subzona do Rosal, dentro da D.O. Rías Baixas. A adega atópase no val do Rosal, limítrofe ao sur coa desembocadura do río Miño e ao oeste co Océano Atlántico. A nosa terra benefíciase dun microclima de temperaturas mornas, abundantes precipitacións e horas de sol precisas para unha correcta maduración.
Enoturismo
Tamén ofertamos distintos tipos de servizos relacionados co enoturismo. Damos a posibilidade de realizar visitas polas nosas instalacións, con diversos servizos a engadir coma cata de viños, degustación de produtos típicos ou comidas.
Tamén poñemos á vosa disposición as nosas instalacións para realizar comidas de empresa, comidas e eventos familiares, comuñóns, xuntanzas de amigos… ou mesmo picnics e comidas campestres de carácter informal!
Traballamos baixo reserva, así que non dubides en contactarnos!