Lagar de Cervera
A nosa bodega
A finais dos anos 80, La Rioja Alta S.A. abandona definitivamente a elaboración de viños brancos rioxanos (Viña Arana e Viña Ardanza) e comeza con afán á procura dun gran branco, de gran personalidade e que tivese elementos distintivos con outros viñedos españois.
A Adega Fernández Cervera Hermanos S.L., en Fornelos (O Rosal), pertencía a unha familia relacionada co negocio da construción naval, cuxa propiedade servía máis de afección que de negocio vitivinícola. Foi en 1988 cando La Rioja Alta S.A. decide apostar por este lugar para fincarse en Galicia e probar novos camiños enolóxicos, adquirindo unha parte maioritaria desta adega tradicional e pouco tempo despois, a totalidade, cambiando a antiga razón social pola de Lagar de Fornelos, S.A. Coma homenaxe aos fundadores, sempre se respectou a marca Lagar de Cervera.
Calidade da materia prima
Alí, ademais de renovar as instalacións, iniciamos unha esencial tarefa para asegurar a calidade da nosa materia prima: conformar o maior viñedo de uva albariño das Rías Baixas, pasando das 5 hectáreas iniciais ás 93 actuais. Peza clave na permanente evolución da nosa adega foi o noso Director Técnico Anxo Suárez, que acumula máis de tres décadas á fronte de Lagar de Fornelos. Os seus coñecementos e incansable labor liderando un grande equipo tanto en adega como no viñedo resultaron importantes para a constante mellora na calidade desta monovarietal de uva albariño que goza hoxe dun recoñecido prestixio nacional e internacional.
En 2013, coincidindo co 25 aniversario da adquisición da adega, La Rioja Alta, S.A. investiu 2,8 millóns de euros nunhas novas instalacións para optimar a calidade de todas as fases de elaboración dos seus viños. Entre os recoñecementos máis importantes recibidos por Lagar de Cervera cabe destacar a elección no ano 2004 como un dos “100 mellores viños do mundo” pola revista Wine Spectator.
Enoturismo
Un dos servizos que ofrecemos dende a bodega é a posibilidade de realizar visitas guiadas ás nosas instalacións de adega e destilaría, onde poderá coñecer en maior profundidade a elaboración dos nosos produtos. As visitas á adega, sempre baixo cita previa concertada, complétanse cunha degustación comentada.
Comedor privado e tenda
Contamos cun comedor privado para 20 comensais onde poderá degustar os deliciosos pratos que o noso equipo de cociña terá preparado en exclusiva para vostede e os seus acompañantes. A nosa carte é ampla e variada e inclúe cociña tradicional galega así como innovadora, acompañada dos nosos mellores viños e oruxos.
Contamos cunha tenda e wine bar onde adquirir os viños do grupo bodeguero La Rioja Alta, S.A., así como produtos de alimentación e accesorios do viño.