Altos de Torona
A nosa adega
O sentimento pola súa terra e pola viña leva á familia Gómez a asentar a súa historia no mundo do viño desde 1954. Dende entón, mantén o respecto pola elaboración tradicional mentres explora a máxima expresión dos seus viñedos, presentes principalemente en Galicia e nas Denominacións de Orixe máis recoñecidas de España.
Esta historia vitivinícola comeza preto da súa casa de Galicia, onde a escasos metros se atopa o viñedo Altos de Torona, o máis grande dunha soa peza de Rías Baixas e o segundo viñedo con selo de Produción Integrada, certificación que garante o cultivo sostible das variedades de uva e o proceso de elaboración dos viños Altos de Torona.
Máis que un viñedo
Entre as fileiras das cepas de Albariño, Loureira, Caíño, Godello e Treixadura, lévase a cabo unha viticultura e enoloxía sostibles, amparadas baixo un plan para a acción e conservación do hábitat natural do viñedo. Alí atopamos biodiversidade en estado puro, con máis de 90 especies de flora e 70 de fauna que conviven nun espazo único que da lugar a viños de carácter atlántico, de marcada tipicidade, frescura e elegancia.
Enoturismo
Bodegas Altos de Torona convídate a somerxirte na natureza e desfrutar da biodiversidade que habita no seu viñedo, o máis grande de Galicia nunha única peza. Durante a visita descubrirás a súa historia, ademais de coñecer as características da Denominación de Orise Rías Baixas e o método de elaboración dos seus viños. O percorrido remata cunha degustación nunha sala cunha marabillosa panorámica do val do río Miño e de Portugal.
As visitas
A duración das visitas é de 90 minutos aproximadamente e é imprescindible cita previa.
Consultar horarios de visitas a través do teléfono de contacto ou no enderezo electrónico enoturismo@altosdetorona.com.